ليه ؟

اختى العفريتة بتسألنى من كام يوم

وبكل براءة مش قصدها اى لوم

حمادة .. ليه بطلت تخرج زى زمان

وليه موبايلك دايما مقفول

وانت كان عندك موبينيل وفودافون

وليه بطلت تفسر أحلام

وبالمناسبة

مش كان نفسك تعمل أفلام

وليه كل ما تبوسنى

دقنك تشوكنى

وليه فى الأجازات على طول بتنام

ليه يا حمادة حساك غلبان

وفين أصحابك

وليد وكريم ورانيا وريهام

حتى السينما مش بتروحها

وبطلت تجبلى ألوان

وبطلت ترسم

مش كنت زمان رسام

حمادة

حمادة

بتعيط ليه؟